مني له
لو المشاعر يحسبها من انوده
ويذوق طعم الشعور الحلو بحساسه
ما كان شفنا الجريح إلي على خده
ادموع عينه يسيلها غلا ناسه
الشوق له نبتت(ن) تطول مع المده
تكبر واشوف الحزن ماسك لها فاسه
اشتاق له وارتشف شوقه وانا عنده
واروي بساتين شوقي من غلا كاسه
وإن غاب ينزل على الموت فى شده
كني غريق(ن) يحاول يمسك انفاسه
حكمه من الله شعوري لو غدا وده
يشرح غلاهم عجز يوصف له اقياسه
نخفض جناح المعـزه له ولا نرده
ونصون عهد الموده كل ما داسـه
لو انها بالمعزه ما نبت وده
لكن وفا قلب صادق فيه احساسه
بيت الوفا كل شخصـن يقدر يهده
لكن من يصون حبه يا كبر ساسه
بحر المشاعر وصلكم يا الغلا مده
والبحر فى رقته يخفي عظم باسه
قطفت من كل جنت حب لك ورده
ولو الوفا حي كان اهديت لك راسه