السلام عليكم ورحمة الله بركاته
فكرة الموضوع :
غالباً بحياتنآ اليومية تمر علينآ مواقف غريبة عجيبة
حبيت إنه كل عضو / عضوة .. يدش هالموضوع يسجل شنو مر عليه بيومه من مواقف وإذا فيه مجال نتناقش فيها وعن أسبابها حسب مايكون الموقف
اللي خلاني أفكر بالموضوع إنه صار موقف جداً غريب وحبيت نتناقش فيه ..
الموقف اللي صآر ..
أنه وانا طالعه من منطقتنا عند الإشاره وإهي خضرا وقف سوبر وأهو كان أول الناس بالإشاره ونزل من سيارته ومعطل الناس اللي وراه تهقون ليش نزل؟
والله السبب تافه جداً اللي خلاني لي اليوم أفكر ليش !!
تخيلوا معطل أكثر من عشر سيارات وراه وناطرينه يمر وأهو سافط ونازل من سيارته علشان يعدل بجامته !!!!
موقف صار جدام عيني وعلى مشاهدة الكثير من الناس
يعني لي هالدرجة صار الاستهتار بمشاعر الناس شيء عادي ؟
لي هالدرجه صار عدم إحترام حقوق الغير شيء عادي؟
لكم حرية الكتابة في هالموضوع .. واللي حاب يذكر أي موقف مر عليه بحياته اليومية يتفضل .. واللي حاب يعلق على أي موقف يتفضل
وشكراً لكم مقدماً