لاباس ، ياشيخ الزمن لابــاس
يامشرقين الشمس بالمغـرب
جاك الرياض بمعَذره عسـاس
وصلاّ معاك العصر والمغـرب
مال المرض مع صحتك مجلاس
ولو يعــرفك عن جيتك يهرب
يدعي لك من الناس كل الناس
وكل يقـــــول اشفة لنا يـارب
جيت وبنيت لكل شعــبك ساس
والطيب ماهو منك مستغـــرب
والكل بوجــــودك رفيع الراس
حولت من ظلع المرض واترب
العشب ينبت فوق (اثرك) اقواس
والغــــــيم يحفن (كفك)و يشرب
لو مانحبك صدق ماحدٍ حاس
ولاغـرّد الشاعر ولا المطـرب
غلاك مايحــــدد ولايـنـقـاس
وعطاك وصف بالمثـل يضـرب
في جيتّك نور وبريق المـاس
ياشمسنا اللي مالها مغـرب
نستقبلك - ونصف لك حراس
وكلٍ لفـــتنة ضحكتك يقرب
يامروي عروق الغــلا اليبّاس
في جيتك - دمع الفرح يسرب
من لايحبّك - ماهو مـن النـاس
ولو كــلنـا نحبـك - لاتستغـرب