أقـول 0 ياعاذلي رح مالك و مالـي = نفس الفتى ماتحب اللـي يعذربهـا
انا ابخص الناس في حلِي وترحالـي = النفس نفسي واعرف اشلون أأدبها
لضاق صدري وتاه من الغـثا بالـي = والارض ضاقت وضاقت بي مناكبها
نصيت لي مرقبٍ في صحصحٍ خالـي = في راس رجمٍ تصافق بي هبايبهـا
بارضٍ خلا خاليه ماحـولي الوالـي = بس الذيابه تعـاوي فـي مراقبهـا
جلست في مرقـبي ابكي على حالي = من حـرةٍ بالحشـا زادت لواهبهـا
وقامت تكسر بصدري عـبرة الجالي = اللي قـبـل يتِقـي لـد لمضاربها
وقمت اتفكـر بوقتـي اول وتالـي = وشلون عقب الصفا شانت مشاربها