الليل يغري .. وانت صدتك تغري !
البرد يغري والمسا والقناديل=والريح تلهث ورى الشباك ماتتعب
الجرح عاري والمحاني مقاتيل=والخوف يجرف خفوقي سيل ماينضب
لو يستر الوحده حضور التعاليل=جبت الحجاب لوحدتي .. حكي مسهب
جبت الحجاب لوحدتي .. حكي مسهب
.....جبت الحجاب لوحدتي .. حكي مسهب
..........جبت الحجاب لوحدتي .. حكي مسهب
بالله قلي يا اسود الوجه ياليل=بعد الصباح شلون جرهدت / مرعب
ندهت صبحي
......ندهت صبحي
............ندهت صبحي
ندهت صبحي / صوت ماينسمع حيل=واثره صباحي منطوي تحت الاشهب
اتنفس .. الغيّاب وازفر تفاصيل=سنابل ضلوعٍ حنت عند مغرب
ياصاح هب الشوق في داخلي ميل=واالشوق لاطرافي من الفقد مُتعب
غبت وتركت بداخلي طفلٍ يخيل=ضمة حنان وبين اياديك يلعب
بين اياديك يلعب
بين اياديك يلعب
بين اياديك يلعب
يمر طيفك غيم .. و وجهك هماليل=وارتب عيوني مثل ارض واشرب
غيابك اثم .. وصدتك تهدم الحيل=لاتجرح عزومي ولا فيّ تُذنب
لملامس يدينك صهيل وهلاهيل=ياللي علشانك تبي تغيب تكذب
اذوب بين البرد والشوق وآسيل=والريح تطرق شبابيكي ولا تتعب
والريح تطرق شبابيكي ولا تتعب
والريح تطرق شبابيكي ولا تتعب
والريح تطرق شبابيكي ولا تتعب