عرض مشاركة مفردة
  رقم المشاركة : [ 1  ]
قديم 20-12-2009, 11:22 PM
وحيد
عضو ذهبي
الصورة الشخصية لـ وحيد
رقم العضوية : 5223
تاريخ التسجيل : 24 / 9 / 2008
عدد المشاركات : 1,203
قوة السمعة : 18

وحيد بدأ يبرز
غير متواجد
 
الافتراضي رجواك قلبي في محبتك
رجواك قلبٍ في محبتك هايم
وإنت الغياب يسابقك كل ما جيت
مرّيت بافكاري تشد العمايم
و شفتك وسط فكري تمر .. و تعديت
ناديتك لك .. خلّك مع الشعر دايم
لا تلتحف بالصمت لي يوم ناديت
في غيبتك يا صاح ما ني بْـ رايم
أغزل خيوط البيت و آخيط لك بيت
شفتك وسط عيني من الشوق قايم
متهنّيٍ فيها وأنا ما تهنّيت
أسهر بْليل العشق .. ولاّ إنت نايم
وأنسى هجيرك وإنت أبد ما تناسيت
والبارحه صارت همومي ولايم
تقلط على جال المعاليق و تْبيت
تحدى لساني يكرمك بالشتايم
و يردّني طبع البدو عالي الصيت
لو كان جوّي من سبايبك غايم
إتأكّد إني مالردايا تعاليت
ما أسمع بْوصلك تلوّيم لايم
و ما أحتمي بالهجر يومك تحاميت
باقي على عهد الوفى و اللّزايم
ما أنكثه مهما عن العهد صدّيت
كانك على لقياي يا زين صايم
عيني على المبسم .. و أنا ما تعشيت
ترخي الهدب و تْزيدني بالسقايم
ما تدري إني أنجرح كل ما ارخيت
تتْنفّس وتبكي نفسك النسايم
تبغى تلوذ بْداخل الصدر و تبيت
شفت البحر في محجر العين عايم
و وقّفت من دونه و هبته و قفّيت
و شفتك رجى بين السما و الغمايم
مثل المطر .. أرقبك .. لكنّك أبطيت
ما دام قلبي في محبتك هايم
خلّ اللقى يهديك صوبي إذا جيت
من طوّلت الغيبات جاب الغنايم
و من قصّر الجيّات خالف لتيكيت
أنا أسير أم الردوف القوايم
قولوا لها لا تلحق الحيْ بالميت




الموضوع الأصلي: رجواك قلبي في محبتك | | الكاتب: وحيد | | المصدر: شبكة بني عبس




توقيع وحيد
يـا كِثْر مًـآ يًطرِي عـلى البال تَوقِيعْ,
ولًا شِفتلي تًـوقِيع يرضِي غُ ـرُورِي.!


إِن مً ـآ حَ ـصْلْ توْقيع فُوق التُوَاقِ ـيع ,
ولًآ عَـنْ التوْقِيعْ يكفِي حُ ـضُوـورِي.!