19-12-2009, 08:55 AM
|
|
الزعل مسموح
يجوز نزعل0 والزعل شي مسموح
نغضب شوي ولاهدينا0نسينا
بس الخطا لاكان0في مكمن الروح
يكون طبه صعب ماهو بدينا
صدق الوفا لاقل من فيّه يروح
روح الوصل والود يقسى علينا
اول مشينا والصفا صادق وضوح
يفج نوره ضئ منْه اهتدينا
يلمس عميق إحساس من عالي طموح
يطلق عنانه عز فيه اعتلينا
كنه على طيب النبا مسك ونفوح
نسمة عليل وعذبها محتوينا
بالله خل الوقت يبري شقا جروح
نصبر0 ولآينقال منكم رجينا
دام االموده مالهاشان وربوح
صار البعادضلال فيه احتمينا
تدري ويش الي يجعل الوصل مذبوح
نظرة تعالي تقتل الشوق فينا
تغيب شمس الود لاصار مدموح
قدر العزيز يهون واحنا سهينا
صحيح برق الشوق من عيني يلوح
يفز له صوتٍ غفى يشتقينا
يرد وقت كان من ليله يبوح
سطّر حروفٍ من شجنها 0جنينا
بس الشموخ بذاتنا عالي سفوح
ماينحني لإنسان مهما قسينا
طلال سويعد
|