كثر القطاعه.. تالي الوقت عادي
الا لجتك من القريب ..القطاعه
ياللي لركب البعد والهجر.. حادي
هرج العواذل.. كيف ترضى سماعه
يااسر احساسي ..ومالك فؤادي
ماهو صحيح انك.. تخون الوداعه
هذا وانا.. في حفظ وصلك ريادي
وافي معك.. مادام فيه استطاعه
ابيك تنظرلي.. بعين الحيادي
هل يستوي طيب المحب ..وخداعه
بالامس نجم الشوق.. ساطع وبادي
واليوم خافت ..مايبين شعاعه
انته علي قطع المواصل ..تنادي
والليل لامرك ..جا يشمر ذراعه
والحزن لاشاف الفرح ..فزديادي
يكسر مجاديفه.. ويطوي شراعه
ويمد مندوب السهاد ..الأيادي
و امد قلبن طال.. وقت إلتياعه
انته وليلي والحزن.. ثم سهادي
كثره ولكن ..ماتغلب الشجاعه
لاصار زرع الود.. ماله حصادي
يقطعك ياودن ..تقاصرت باعه
ولا صار خلي ..في جفاه متمادي
من الطبيعي ..بسمتي في وداعه