كل شي على حطة يدك ماتغير
باقي على عهدك وفي ماتغيرت
مادام حبك في خفوقي معمر
ما والله انسى مابنيته وعمرت
عن حب غيرك صار قلبي مسمر
وانا بكبري من لمحتك تسمرت
ابا انتظر ترجع علي لا تأخر
والا بجيك ان كان عني تأخرت
خلاص مابغى عن غيابك تعذر
ان كان يزعجك العذر لاتعذرت
ادري جميع اللي حصل لك مقدر
ولو قلت لي من قبل ماغبت قدرت
ولو كنت أصدّق بك حكي واتأثر
ان كان من يوم ان حكوا بك تأثرت
ما اخفيك بغيابك مزاجي تكدر
واكذب عليك ان قلت لك ماتكدرت
من فيه غيرك في كياني تومّر
انت الوحيد اللي سكنت وتومرت
ياما بسطته لك تطب وتخير
وتاخذ جميع اللي تحب وتخيرت
مادام حبك في خفوقي معمر
وشلون ابانسى مابنيته وعمرت
وأنا كذا طبعي وفي ماتغير
بس انت بشرني عسى ماتغيرت؟