صحى فيني طفل شوقي يصيح وينتظر بسمه
تطـهّر طعنة غيابك .. تعالي .. لا تخليني
عظيم الجرح ما يرحم وهالأشواق محتشمه
تنادي لك من اللهفة عسى (منتي نسيتيني)
طفل شوقي إذا شافك تبسم شوفته لأمه
يناغي بابتساماته فديتك جيت ضميني
شهق قلبي من الغيبه يزف شراعك بنسمه
يسيّر مركب اللقيا على مينا (عناويني)
أناديها تعالي شوقي فايض زاد بي همه
بلا موعد بلا همسه أبي صوتك يناديني
إذا العاذل يبي يعرف جماله هو حلو جسمه
يذكرني بساعة رمل سكره ماتصحيني
كلامي كله أختصره فداها كل هالأمه
وشوفوا آخر أبياتي تعرفوا وش حصل فيني
كثر ما تغيب عن عيني ألاقي داخلي كلمه
(وحشتيني) لها صرخه تنادي لك (وحشتيني)
..........؟؟؟؟؟؟؟@