أنا الحزين ودنيتي دوم غربه
!!!!!!!!!!!!!!! واشوف انا كل البشر حولي اغراب
ضايع وقلبي ماعرف وين دربه
!!!!!!!!!!!!!!!!! تاهت به الدنيا على درب الأحباب
همّي كبير وكنّي بألف كربه
!!!!!!!!!!!!!!! والجرح ينزف عقب الأحباب ماطاب
ياللي ملكتيني ترى النفس ذربه
!!!!!!!!!!!!!!!!! ماتجرحك لو تنذبح وانتي الاسباب
عيشي بسعاده واجعلي النفس طربه
!!!!!!!!!!!!!!!!! لايشغلك همي اذا الوضع لك طاب
هذا المقدّر والله اللي أمربه
!!!!!!!!!!!!!!!! واعرف ظروفك يابعد كل من غاب
أنا احتمل لو انطعن بألف حربه
!!!!!!!!!!!!!!! وان قلت عنك اسلا فأنا صرت كذاب
ودّي أموت وأندفن بأي تربه
!!!!!!!!!!!!!!!! وارتاح مايطري على بالي اصحاب