[النمر1012]

يا طريق الشوق قلي ما بقى فالوقت خافي
.. ان خفيت الشوق فاضح والبلا نظرة عيونه ..


آآآه يا شمعه حياتي .. آآآآه يا نبع القوافي
.. آآآه لو يسمع صداها كان ما نشت مزونه ..


لو تناسيت المحبه ضقت واخفيت اعترافي
.. ارتحل فكري وقلت الشوق من يملك شجونه ..


مكتمل عقد المحبه زين ما فيه اختلافي
.. والذهب طول الزمن معروف للي يعرفونه ..


الغلا والحب صادق مانقول اليوم كافي
.. والغلا والحب مثل الكنز يبغى من يصونه ..


العوافي ما تطول ان صارت سنينك عجافي
.. اكتفينا من زمان فات ما نرضى المهونه ..


ان عطينا القلب راح القلب للاحباب وافي
.. واصبح الديان يطلب من يسدد له ديونه ..


لو نقول السوق طيب باقين فيه السنافي
.. ضاعت السلعه ولاا يبقاا طلب لو يطلبونه ..


قلتها والحب ضافي قلتها والشوق دافي
.. لو يطول الوقت زاد الحب ما نرضى بدونه ..


قلتها والنفس ما ترتاح من كثر التجآفي
.. والعشيق الي نوى فرقآك ما نآمت جفونه ..


يابعد كل الخلآيق ياغطآآي وياللحآفي
.. القمر لا شآف مبسم صاحبي ثآرت جنونه ..


لا لمع خده مثل برق ٍ مع الغيمه يشآفي
.. ولا مشى في مشيته كل الخلايق يذكرونه ..


دون خلّي ثآرت سيووف ٍ صقيلات رهآفي
.. أحد وده يآصل المزيون وأحد يطيح دونه ..


حآلف إني ما تغيّر لو يصير الوقت هآفي
.. شامخ ٍ فوق السماء والراس عزه من متونه ..


الوفاء رمزي وصدق القول عزي واعترآفي
.. والحبيب الي عشقته مستحيل إني اخووونه