يا اللي غيابك طال وبحقي اخطيت
هذا شهر ما اشوف للوصل نيه؟؟
هي كانت اسبوعين لكن تماديت
في غيبتك كنك تنفذ وصيه؟!!
لعبت بأعصابي ولا قلت مليت
ولاراح يوم..اقول باكر مجيه
اللّــــه ياني في غيابك تحريت
أثر المفارق صعب ماهو شويه
((عقبك مشاويري من البيت..للبيت
أخــاف لادقيت ماني هنيه!!))
البارحه مابين يمكن وياليت
وابليس يتركني ويرجع عليّــــه
فكرت..لو طول غيابك ولا جيت
يعني كذا..روحه ومن غير جيه
خانتني الدمعه .. وطاحت.. وصديت
يلعـــن ابو التفكــــير .. يذبح خويه.