هبّ الهوا والشوق لاهـبّ مألـوف
يـورّد العاشـق لـ أمـور ٍ بعيـده
أسترجع الماضي على مدّت الشوف
واللي نقص لفـح الهبايـب تزيـده
أنا كتمت السرّ في ستـرة الجـوف
لكّن وش يكتم ! حـروف القصيـده
ممشى طريق الحب ماهو بـمعروف
وأنا دخلتـه قبـل أعرفـه وأجيـده
حبيت وأحساسي عرف لّذة الخـوف
وجتني معه كـل المشاعـر جديـده
ممكن أضيق أحيان وتجيني ضروف
وأقول .. مالي بـه وياشيـن قيـده
لكن لا مرّ الوقـت أحـنّ وأشـوف
بأن الصبر فـ الحب حاجـه مفيـده
ومع أن علم الحب لـ الغيب موقوف
مع غير من حبيت صعبـه أعيـده