لاهنت ياقلبٍ رجا حب مدفون
يسري على الذكرى يساهرنجومه
إذا الجنابي فعلها جرح وطعون
فالحب فعله رميتٍ من سهومه
عجزت ألاقي هرجتي قول موزون
وأزريت أقيّم مايقوله وأسومه
أمدخطوت رجلي وأمشي على هون
لفراق يلفي ماحسبنا قدومه
أخذت شعري في يميني هو العون
وصديت مع نفسي أخفّي علومه
مره أحشم الوقت وآقول مفتون
ومره أسب وثالثه ما ألومه
ياليت لي وقتٍ أنا وابن لعبون
والحق على الحب القديم وهمومه