ثنيان الرشيدي
مرحبا والله يحييكـم علـى حشمـه وشيمـه
في محل أهل الوفاء والطيب من ماض الليالـي
كان راشد صاحبي ماجـود وعظامـه سليمـه
صوتوله قبل لايطيـح الشمـاغ مـع العقالـي
راشد السحيمي
البقـا ياللـي عزمتونـا ولبيـنـا العزيـمـه
ماحلى دورتـك يالفنجـال مابيـن الرجالـي
راشد اللي تطلبـه واصلـك يامـال الغنيمـه
وأنت صاحبنا القديم وحيلتي مـن دون حالـي
ثنيان الرشيدي
بارك الله فـي رجـال مـا يحبـون الظليمـه
والوفاء من بينهم والهيل فـي صفـر الدلالـي
والله إنـا مانطالـع فيـك بالعيـن الكريـمـه
أنـت صحبنـا الموسـط لابعيـد ولاموالـي
راشد السحيمي
علـم اللـي مـادرا حنـا علاقتنـا قديـمـه
يعلـم الله مـا يغيـر طبعنـا سـود اليالـي
ياثنيـان الجمـال الكـل معطيلـه خريـمـه
لايدركهـا الحديـد ولايدركـهـا الحبـالـي
ثنيان الرشيدي
الليـال إ دور والديـنـا مشاكلـهـا مقيـمـه
مير قلي يالسحيمي وش غدالـك وش غدالـي
أصبحت عوجا وعرجا مالها في السوق قيمـه
تتفوها في الجنـوب ونتفوهـا فـي الشمالـي
راشد السحيمي
دارت الايام ماقـدرت تطـش شـداد ريمـه
ماغـدا منـي جنيـه ولاغـدا منـي ريالـي
مايصـح إلا الصحيـح ولاتضيـع إلاالبهيمـه
وأنـت منتـه مكتمـل لـكـن لله الكمـالـي
ثنيان الرشيدي
خمسه وعشرين في الشارع وعشره تحت خيمه
وإن نشدتك قلت لي مامـن خطـا ياهمالالـي
والله إني لاتعـب الأقـدام وأفكـاري حكيمـه
والحلال اللي يطب النار ماهـو مـن حلالـي
راشد السحيمي
............................قالولـه حريمـه
وأنت رجلك طالعه بالشمس ماهـي بالظلالـي
إرتكبـت مخالفـه لكـن تكفـيـك القسيـمـه
راس مالك لانقص لاتكملـه مـن راس مالـي
ثنيان الرشيدي
الحروب اثنين والاول علـى بـاب الهزيمـه
وأنت يابو زيـد عـدوك الاجابـه والسوالـي
أنت عقبي صاير في المنطقه شيـخ وصتيمـه
مير لاقربت لك يصلاك فـي دنيـا ك صالـي
راشد السحيمي
مدحت الرجال في وجهه قريب مـن الشتيمـه
إن بقت بيدين عمي وإن تعـدت عنـد خالـي