06-12-2009, 03:42 PM
|
|
عبدالرحمن خضير الرويضي وتركي الفين
عبدالرحمن خضير الرويضي**
سلام ياراعي الحفله ويامـن حضـر
في حفلة مطير والعنوه على شانهـا
أن كان تركي معه ياصحاب علم وخبر
ياقـف وناخـذ دلايلهـا وبرهانهـا
تــــــركي الفين**
يامرحبا عد ماهلـت ثعـول المطـر
والطيبـه بيننـا ماختـل ميزانهـا
القافله يالرشيـدي سيـرت بالبحـر
وانته ورى الديره القشرى وضلعانها
عبدالرحمن خضير الرويضي**
لعل فيك البقا يالشاعـر المعتبـر
في ليلة معك ريسهـا وسلطانهـا
نبا نسولف ونعطي مع وسيع النظر
سولف ما يتغيـر معـك عنوانهـا
تـــــــركي الفين **
الاوله يالرشيدي لاتنـوش الخطـر
والثانيه يالرشيـدي صـك بيبانهـا
الظاهر ابن خضير المهدي المنتظـر
وان كان يبغى الحقيقه قلت لها عانها
عبدالرحمن خضير الرويضي**
الظاهر انا نبي نصلي صلاة الفجر
على هل الديره اللي زاد شيطانها
المسلم ليا بلي ياهل المعرفه صبر
في خيرها وشرها والناس واديانها
تـــــــركي الفين**
الظاهر انك تبي ترجع بليا بصـر
وتطيح بالنـار شعلتهـا ودخانهـا
انتم رجالا تحسبون المراجل هـذر
وابليس ملعون يرقص فوق حجانها
عبدالرحمن خضير الرويضي**
ترى الحذر مايفكك من حدوث القدر
ياراعي الددسن اللي مال سكانهـا
حنا رجال المواقف قبل زيد وعمـر
ناخذ ونعطي رجالاتفعـل ايمانهـا
تــــــركي الفين**
ماتفهم العلم ياشارب حليب البقر
ياراعي السلعه اللي طاحت اثمانها
حنا هل المعجزات وفعلنا مشتهـر
وبيوتنا طيبه من طيب سيسانهـا
عبدالرحمن خضير الرويضي**
الله يسامحك ياراعي الونيت الحمر
ما تحج مكه ولاتاقف على اركانها
ماقول فيكم ردى ياشاعر ماشعـر
والنعم بمطير راعيها وفرسانهـا
تــــــــركي الفين**
عطنا بطاقه مع الرخصه ياشيخ الجبر
ياللقمه اللي تثبـت فـوق لحيانهـا
|