خابرك منته راعي هياط وغرور
ولالاتحب اللي تناسى صديقه
اللاعب إن صابه لحدّات وكسور
ماظنتي يقدر يفوّز فريقه
والذيب يتقن لابغى حاجه الدور
ماوالله يلقى له دروبٍ تعيقه
وأنته كما ذيبٍ ولافيك مقصور
حرٍ ولد حرٍ علومك طليقه
الصدق صدق وتعرف الزورهو زور
إتحب شي .. وشي منته تطيقه
يعني تحب النور والنور لك نور
تعشق صعود الشامخات الشهيقه
يجوزلك صالح .. ولايجوز محظور
فاهم ونفسك ماهي نفسٍ غريقه
نصيحةٍ خذها بلا فلوس وأجور
جتلك من إلسانٍ طوى الحر ريقه
خلك مع أهل العرف والطيب والشور
ما للأنيق إلا ثيابٍ أنيقه