الله واكبر كل ماقلت زانت=علي القديم الوضع عادت حليمه
مدري علام ايامنا البيض شانت=صارت بخيله عقب ماهي كريمه
وين الربيع اللي غصونه تدانت=الارض خضرآ والسمآ فيه غيمه
وين العصور الاوله كيف كانت=تغيرت ماهي علينا مديمه
حتى الرجال اهل المواقف توانت=تغيرو ماعاد فيهم عزيمه
الطيبه بعيونهم كيف هانت=يالله دخيلك يامنجى كليمه
الشمس بعيون الفتى توبانت=وشاف الدروب العوج والمستقيمه