05-12-2009, 06:09 PM
|
|
يامصدر العشق
يامصـــدر العشق والالهـام والبسمـة
لك مني الـروح ويا السمـــع والطــاعة
والحب لك والغلا ما يقبــل القسمـة
الاعلى رضاك شفت النفــس طمـــاعــة
والضحكة اللي على محيــاك مرتسمة
هزت جـدار الغــلا في القلب واضـلاعــة
بس نظـرة الحب تدري ليش منقسمة
من حيرة الـود ولحن الشـوق وايقــاعة
اللي وصل حق ربيع القلب في وسمه
واحيـا هشيـم الغـلا وانبت زهــر قاعـــه
ومن صار كفي اليمين بكفك العسمه
افـتـك راس العنى من كثــرة صداعـــة
دام الحكي منك الطف من هوا النسمة
واحلى وارق من صنوف الشهد بانواعة
تعال شف عين من حبك وشف جسمه
عن قرب والمس هوى مغليـك واطبـاعة
اتصــدق اني قبــل لاتكــون بالقسمـــة
كنت اكتب احلى قصيدي فيك كل ساعة
وحتى اتاكـــد من اللي واضــع وسمـه
في قلب مثلي وطابع صورتـه طبــاعة
تعــال وافتح خفوقي وانظــر الرسمـة
شف بالهوى من سطابه الحب لخناعة
واحلفــك بالـــذي ما قـد ذُكــر اسمـــه
الا على الحـق وقول الحــق والطـــاعة
قل لي وش اللي رايت وودك تحسمـه
في عين مغليــك وفي قلبـه وبذراعـــــة
يا مصـدر الحـب والالهـــام والبسمـة
فضحت سري معــك في كامل القــاعة
سعيد النعيمي
البحرين 2009
|