من عز نومي صحيت وشفت في عيني..!
دمع تهادى علـى جفنـي وأنـا غافـي
سترت دمعي بكمـي قبـل يغرينـي ..!
وأخذت هذا الجسـد مـن باقـي لحافـي
وسريت تايه ورى خطوات رجلينـي ..!
لا الوجه وجهي ولا أوصافي هي أوصافي
أمشي وأقـول لطريقـي لا تودينـي ..!
لعيون ناس تبـي تـدري عـن الخافـي
أمانـة .. خلهـا مابيـنـك وبيـنـي..!
خابرك يالـدرب خـوة عمـر وسنافـي
ماودي الناس تدري وش اللي يبكيني ..!
كرامـة النفـس ورث أبـوي وأسلافـي
أمشي وأحس الخناجر في شرايينـي ..!
والبرد يمشـي وراي وينهـش أطرافـي
وحيـد والليـل بردونـه يغطيـنـي ..!
تقـول كـن البلـد روح بهـا السافـي
إلين ماأوحيت لـي صـوت ينادينـي ..!
صوت أعرفه مثل ما أجهل وش خلافـي
قمت أتلفـت وأنـادي ... لا تخلينـي..!
ماغيره الصوت .. هذا صوتـه الدافـي
تعال .. شف غيبتك كيف أثرت فينـي..!
تعال .. شفني وأنا أغرق عقب مجدافـي
تعال.. خذني ورحبي مـن عناوينـي ..!
تعبت أعدي علـى جمـرك وأنـا حافـي
تعال وإقطف بصوتك زهـرة سنينـي..!
كـل المواعيـد عقبـك شمعهـا طافـي
تعال وش فيك خايف ؟ أنـت ناسينـي ؟
قطعت صوتـي عليـك وطـال ميقافـي
حتى بديت أشعر إن الحـب معمينـي ..!
وإن أنت حلم عثى فينـي وأنـا غافـي
لكن أمانه ترى اللـي فينـي كافينـي ..!
إن رحت منـك كـذا مارحـت متعافـي
بصّدق الحلـم وأحـذر لا تصحينـي ..!
في خاطـري كلمتيـن وإن قلتهـا كافـي
أمانة الله عليك إن غبت عـن عينـي..!
لا يكون قلبك مثل قلـب الزمـن جافـي
مع كل دمعه تذكـر رعشـة يدينـي ..!