أنا ياريح ودي بك تجيب من الثرى نسمه
ترد الطير لغصونه يداعب همسة الاطياف
يميل الورد بفنونه يهادي للفجر بسمه
ويضم الصبح بأوراقه بداية صفْوّ من ميلاف
ويرجع حلمه الشاقي على كفوف الهناحلمه
يشوف الامس من هااليوم يوازي كفة الانصاف
تعال0نقيس ونعاين ونحسب ناتج القسمه
تشوف الحال من هاالناس تلون لونه الشفاف
وضيّع لونه الناقي ملامح غيرت اسمـه
وصار اليوم لااسود ولاابيض يلتزم بأعراف
كأن الليل يرسمها ثواني حلمهارسمه
وباقي الوقت ساعاته تذوب بنظرة الاجحاف
يحن الصوت للماضي يردد من قسا همه
يعيش اليوم من امسه ويجني من رضاه اصناف
وانا من حالهم اقرب0 ادوّر للوفا كلمه
تدل الدرب للدروبي تغير بالوجوه اوصاف
وتِدق بساعتي ثاني دقايق من ونَس عزمه
ارد اللهفه للكلمه بوادر شي مما طاف
عرفت إن ناتج الحسبه تغيّر من أمر حسمه
وصار اللون بين وبين قريب ولا وصل ينشاف
وتاه بغربتي اسمي تلاشى من رجا وسمه
تقول الوجد يكتبني سطور بصفحة الاسلاف
والا ياريح لوتدري شموخي بالثرى جسمه
عزيز الطبع والمعني عزيز النفس والميقاف