ياعزتي للباب من صكة له
من عقب ما تركز علي النصايب
مافي عيالي واحداً فزعة له
الى وقف تذرى عليه الهبايب
من عقب يوم ان النشامى تدل له
خلوه مجناب سوات الخرايب
الباب يشكي عقب عزه مذله
ياباب لا تشكي وانا عنك غايب
لومك على اللي باعوا البيت كله
كل خذا قسمه وخلوك سايب
بعض العيال الى ظهر ماتمله
وبعض العيال لو الدينه عقايب
خسارة تغذاه خله لعله
يبقى على الدنياكثيرالمصايب
لا مقلط سفرة ولا شال دله
ولا مع اللي ينطحون النوايب
لعل من يبكيه رمح يشله
على عروق القلب بين الترايب