[نواف بن مفضي]

انا على عهـدك المعهـود ووعـودك=في خافقـي لا تـزال ولا نقـص ودك
يا من لفح خافي احساسي هدب سودك=حسبي على اللي من اسبابي وقف ضدك
ما دار في خاطـرة نقصـك ولا زودك=ولا هزته دمعة(ن)سالت علـى خـدك
وانا جريحـك وموعـودك ومحسـودك=وانت ادري انك ومجبور(ن) على صدك
لولاي اعزك حشا مااقـول يـا كـودك=ولولاي احبك واحبك مانتضـر غـدك
لا شك خوفي عليك وصـادق عهـودك=يجعلني اقف على حدي ما اجي حـدك
خذ روحي احلى نسيم(ن)يلثم خـدودك=وخذ خافقي دبلة(ن)زيـن بهـا يـدك
خذ كل الاشواق معـك الينثنـا عـودك=وخذ من قصيدي تواصيف(ن)على قدك

الموضوع الأصلي: ما نقص ودك | | الكاتب: نواف بن مفضي | | المصدر: شبكة بني عبس