لاتـغـيـرك المــشـاكـل ياحـيـاتي والظـروف
نعــنبو جد الضـروف اللي تبي تأخـذ مني
لاتـعــذر لاتـعــذر لا تــكـــثـر بـالـحـــلـوف
يـعــلم الله مـاحـدا ًغـيرك من العالم فتني
لا يـجـي داخـلك شـك ولا يجي بالقلب خوف
لا يـغـيـرك الـتـردد والـحـذر يـبعدك عني
اللــيـالي عــانــدتـنـا والـزمـن عـيـا يـروف
كـل مـاقـول استوت يطلع لنا عشرين جني
واضـحة شـمس الحقيقة ما يغطيها الكسوف
مايـغـطـيـهـا الكـسوف ولا يغـيرها التمني
محتسي للشمس ظل ومحتسي للبرد صوف
لـو تـطو لبنا المسافة ماختـلف فكري وظني
يـابـعـد كـل الاسـامي يابـعـد كـل الحـروف
والله أن الحـب قـبلك فـاقده من صغر سني
يـامـعـلمني الـتـحـدي في حياتي والوقوف
يـامـغـير كـل هـمـاً كـان قـبلك مـحـتضني
كـيف تاخـذك المشاكل عن عيوني والضروف
نـعـنـبو جد الضر وف اللي تبي تاخذ مني