[رائد الذيابي]

سلام .. !

جنون ؟؟
ربمـــآ ! :

جينا / نبي نرسم سحابه وَ .. قلبين=ورحنا .. شتات اشياء واشياء واشياء !!
ماهي .. بصعبه كيف نصبح محبين=بس الصعوبه .. كيف نرسم على الماء

مدخل :

"شتاء" .. وزحمة اشواق ودموعٍ تنتضر .. منديل=وسهرة جرح .. بآشب القصيد .. وصح يا لساني
جرفني الليل للآخر .. [ تعال ابشعلك ] قنديل !!=دخيلك طيح .. [ ديمٍ ] قبل تذبل بي اغصاني !
تعال ورتّب ضلوعي .. عذوقٍ واقطف الاكليل=تعال اموّلك .. "شرهة ربابه" يآ أعذب الحاني
مدامي ارض .. وعيونك على جُدبي سواة السيل=حرام .. تشح بامطارك وتذبح طلع .. رمّاني

//

قولي لريح الشتا
.................قولي لريح الشتا
..................................قولي لريح الشتا

قولي لريح الشتا :[ بعد اذنك شويّه ] !=وخذيني .. "البرد يذبح" ثم ضميني
ماعاد تلحق .. متوني ( شرهة الفيّه )=ولا عاد .. ياسع حطبهم رجفة يديني !

بردان
..... تايه
...... حزين
بـ روح منفيّه !
ضميان
..... ضايق
......... كئيب
الجرح مضـنيني !

مهموم / ضايع / مُشرّد / والحزن فيه=ملتاع / مُبعد / وشوقي عابثٍ فيني !
التيه ينهش بجسمي .. روحه وجيّه /=وانتي بصدرك وطن .. تكفين [ آويني ]
شبّي ضلوعك .. غظا / ماقد خلق زيّه=وابنتثر في دفاك .. العذب لمّيني
لميني / طيوف واحلامٍ رماديه=لميني الدم / حاير في شراييني

لميني الدم / حاير في شراييني
لميني الدم / حاير في شراييني
لميني الدم / حاير في شراييني

مخرج :

الشمس كذبه .. كذبها الصبح من بدري=وآمن بها .. كل ليلٍ مايعديني !
شاعر ذبل .. من جرح الاشواق صدري=عيون بكيتها وعيون تبكيني
ياصاحبي لو تحس شوي .. لو تدري=ماكان تترك .. طعونك تندثر فيني

الموضوع الأصلي: ![ جينــآ .. نبي نرسـم سحابه وقلبــين ]! ( جديـد ) | | الكاتب: رائد الذيابي | | المصدر: شبكة بني عبس