[ذبحني غروركـ]

خلك على صدك ترى خاطـري طـاب
ودعتـك الله .. وأبتعـد لا تجيـنـي


من صد .. دون أيّت عواريض وأسباب
أنهيـت حـب ٍ صـار بينـه وبينـي


حتى إيش ... لو إنه من أدنات الأقراب
نفسي عزيـزة .. والعـرب خابرينـي


ماني عقب فرقاك .. عايش بلا أحباب
ولاني عقب فرقـاك عايـش حزينـي


لاساهر ٍ لأجلك .. ولا الدمـع سكّـاب
من أنت ..؟ حتى تبكي اليـوم عينـي


أصبحت في عيني.. مثل باقي الأغراب
إن رحت والأ جيت ما أنـت بظنينـي
وش حاجتي .. لاصرت بالحـب لعّـاب
حـرام أضيّـع معـك باقـي سنينـي


خذها على الذرعان وأحسب لها حساب
نهايـة المقصـود .. فـي كلمتيـنـي


اللي يبـي فرقـاي .. قدامـه البـاب
واللي يبينـي فـوق راسـي وعينـي
__________________

الموضوع الأصلي: اللي يبـي فرقـاي .. قدامـه البـاب | | الكاتب: ذبحني غروركـ | | المصدر: شبكة بني عبس