بسم الله الرحمن الرحيم
اهداء الى سيدي ولي العهد / سلطان بن عبدالعزيز ال سعود حفظه الله
حب الوطن في قلب الانسان مغروس
من خلقت الدنيا لـتالي رحلها
حب الوطن حب الملك شيء ملموس
والمملكه من دونها روس اهلها
حنـــــا سعوديين لهجه وملبوس
هـــــــذي بلدنا ماندور بدلها
واسم السعوديه واهلها على الروس
نفخــــــــــر بها بين الدول ونحملها
حنا لابو متعب صناديد واحروس
اليا خلط سم الحيايا عسلها
عبدالله اللي كاسبٍ كل ناموس
ثبت عمدها بالسيوف وفصلها
والشهم ابو خالد من الشر محروس
سلطان سلطان القلوب وبطلها
بأسمي وبأسم الشعب ريئس ومرئوس
اهني الامه بقادم هللها
هذا حبيب الشعب هذا جبل قوس
جانا معافى كل علّه غسلها
سلطان في كل المواقيف محسوس
سلطان زيزوم المراجل جملها
سلطان للفقراء والايتام جاسوس
يجس نبض احوالهم ويعدلها
غيثٍ عليهم لا اظلم الليل دلقوس
من مد له كفه يحصل دبلها
من غير هذا شيّد ابيوت وطعوس
واسكن بها اللي حاجته ماوصلها
نفديه لو انه على شفرة الموس
لا اظلم سما الدنيا على من جهلها
يالله عساه بجنة الخلد فردوس
الله يجازي كل نفس بعملها