السلام عليكم ورحمة الله وبركاته
مما راق لي هذي القصيدة
واتمنى تحوز على رضاكم واعجابكم
هي لشاعر الاحداث عبدالله الردعان
<< قطعت الامل >>
سمح الله طريقك لانويت الرحيل = منت الاول على درب الموادع رحل
قبلي الناس واجد سوت المستحيل = ودها ما توادع والموادع حصل
جيتني تسبق الخطوات عابر سبيل = رحت مني غرامك بالضماير نزل
شكوتي بالقصايد للمحبة دليل = ذوقتك المرارة بعد طعم العسل
ذكرياتي على بالك تحط وتشيل = لا تذكرت فعلي يحتويك الخجل
عزم القلب وارحل لاترد الجميل = مابقا غير تلزم خطوتك بالعجل
روح لاتلتفت لي قبل دمعي يسيل = والله اني من الضيقة قطعت الامل
وسلامتكم
للشاعر الخطير : عبدالله الردعان