بسم الله الرحمن الرحيم
أسعد الله أوقاتكم بالخير ...
رابطة العميل السري قامت بتنسيق هذا
المحاورة التي دارت بين شاعرنا
و الشاعر المتألق ابن الخميلي
لا نريد أن نطيل عليكم و نترككم مع تفاصيل
الإبداع :
العميل السري
يابن الخميلي مرحبا بك من هلال اليا هلال= يامطول الغيبات والدنيا كفى الله شرها
وش جبت من هذي المغيبه بعد ماطال المطال=عطنى من الجزلات والدنيا كفى الله شرها
ابن الخميلي
ابك البقا ياللي ترحب عد همال الخيال00ياحامي القالات والدنيا كفى الله شرها
عندي علومن طيبه مانجيبلك غير الجزال000غالين بالمدات والدنيا كفى الله شرها
"]االعميل السري
من عادتك لامن رفعنا الصوت قلنالك تعال =قلت ابرك الحزات والدنيا كفى الله شرها
وانا معك يابن الخميلي باليمين وبالشمال =يامبعد الهقوات والدنيا كفى الله شرها
ابن الخميلي
ابفتل المعنى واباجاوب على نص السوال00لاترفع الاصوات والدنيا كفى الله شرها
كفوا لميقاف النشاما ماتغيرك الليال00وانا معك بالذات الدنيا كفى الله شرها
العميل السري
الناس قالو يالخميلي كل مقامن له مقال=وبك ترفع الهامات والدنياكفى الله شرها
لكن نبي ناخذ لنا لفه على روس الطوال=وش اخرالنشرات والدنياكفى الله شرها
ابن الخميلي
ادري تشيل الحمل ياراع القويه والثقال000والعلم بالنيات والدنيا كفى الله شرها
علمي بها فوق الجبل ترعد على روس الجبال000والبدو باللفات والدنيا كفى الله شرها
العميل السري
قد قالوا النيه مطيه والوعد روس التلال= ولا على بانات والدنياكفى الله شرها
مادامها ترعد وتبرق سيلها جاله مجال=ماعد فيه افلات والدنياكفى الله شرها
ابن الخميلي
لا والله الا تو ماحل المنازل والنزال00علاك باالهجمات والدنيا كفى الله شرها
اكرب حزامك لاتسمع للجدال000يا عايشن بالقات والدنيا كفى الله شرها
العميل السري
الظاهر انك يالخميلي صرت في تال الليال=مثل انورالسادات والدنياكفى الله شرها
حنا ليا دارت رحانا ما تركنا لك مجال = لنا هل الوقفات والدنيا كفى الله شرها
ابن الخميلي
لايالعميل ا لطيب اللي ماتحاليك الرجال000لاتخلف الغايات والدنيا كفى الله شرها
خلك معي في دربنا عان الذيابه فالظلال00خيل سماالغارات والدنيا كفى الله شرها
العميل السري
انا معك ياصاحبي بس لا يجي بالك خمال=ابعد عن الهفوات والدنياكفى الله شرها
تبطي الذيابه عضم مادام الهدف صعب المنال=لاتفكك الشفرات والدنياكفى الله شرها
ابن الخميلي
تري السبب سود القلوب اللي كما وصف الشيال0قامت تجي زافات والدنيا كفى الله شرها
مانوردك غير القراح من المشارب والزلال00ولانقدم الغلطات والدنيا كفى الله شرها
العميل السري
أهل النوايا السود مقصدهم يشبون القتال=قل بس لهم هيهات والدنياكفى الله شرها
خلك على هداج والباقين في وضع أحتلال=اصرف لهم شرهات والدنياكفى الله شرها
ابن الخميلي
وردة على الغاوين يارجال مجدول الحبال00واحنا على الروحات والدنياكفى الله شرها
وشفيك تحسدني على النعمة ومبني الخيال00لاتصير لي شمات والدنيا كفى الله شرها
العميل السري
يابن الخميلي لا تضحي الا بمذموم الخصال=بنضف الساحات والدنيا كفى الله شرها
لا تغتبط ماني انا بحاسدك ويجيك انفصال= وتندم على مافات والدنيا كفى الله شرها
ابن الخميلي
ابحرف الموضوع وابغى الحل يامرو السلال000فموزع البقات والدنيا كفى الله شرها
قدمة خدمه ماحصلي لاجنيه ولا ريال00ماعاد ابه حجات والدنيا كفى الله شرها
العميل السري
وسقتها راس السنام وزادت النار شتعال=من كف ابا الردات والدنيا كفى الله شرها
حث الخطى قدام تلقى خيرواناخوالعيال=في ساعة الضيقات والدنيا كفى الله شرها