اقتباس من مشاركة بركه الخياري
إهداء خاص ,,,,, لكم
جرحتني بالحب يأعز مخلوق
و أدري حلاة السيل يجرح مسيله
كامل حلاك وخالطه حلو منطوق
كلٍ يبي لاماك لو ماتبي له
بعيونك اغيومٍ و بخدودك ابروق
والليل كاتم في ضفاف الجديله
عليك نوي بين الاضلاع مطروق
لاشك يمك مالقيت الوسيله
وطالت ليالينا و أنا يمك أسوق
وصلٍ غدا مثل ألف ليله وليله
والظاهر إنك منت يحول ملحوق
و إني خليلٍ مايلاقي خليله
وإن العيون السود والخد و الطوق
وهاك الوصوف النادرات الجميله
من حظ غيري لو طوى حالي الشوق
ومعهن نصيبي من ورى المستحيله
الشاعر / بركه صالح الخياري
|
رائع
مبدع
شاعر
و
و
و
و
الخ
وش تبيني اقولك
كل بيت تقوله يساوي قصيده
اهنيك على الابداع والتصوير الجمالي في كل قصائدك
استمر فأنت مبدع
تحياتي ياابوصالح