20-11-2009, 04:25 PM
|
|
بالله عاد اضحك وفـل الحجاجـي
الله ياهو صويحبـي سـج سجـه
مدري علامه صاب جوه عجاجي
اخبر طبعه واسـع الصـدر رجـه
محبوب عند الناس شوفه علاجـي
يومه بوقت الجد ينفعـك هرجـه
يوخـذ برايـه ثابـت مايعاجـي
ويومه بوقت اللعب مزح(ن) ودجه
هواوي(ن) يشبه مزاجه مزاجـي
واليوم اشوفه غير من دون حجـه
لاوالله الا راح عذبـه همـاجـي
الصدر ضايق والهموم (أ)توجـه
صوب الخفوق وزاد فيه انزعاجي
والله يالـولا الحـيـا والملـجـه
اني لجيه وطـاب ليـل التناجـي
مير العلوم كثار والنـاس صجـه
واخاف يصير لسالفتنـا رواجـي
قم يانديبـي وانشـده ثـم ترجـه
وش به يعيش اليوم دون ابتهاجـي
اقـراه مـن نظرتـه ولا تهجـه
ريح خفوق(ن) هاج فكره وداجـي
قله ترى الدنيـا وسيعـه وفجـه
يوم(ن) بتصفى لك وعشره سماجي
خاطرك غالي ولانبي منه سجـه
بالله عاد اضحك وفـل الحجاجـي
لحن القوافي
|