20-11-2009, 10:17 AM
|
|
ياقوى من البوح
اقوى من البوح بـوح النفـس راعيهـا
صوت المشاعر بوسط الروح له ضجـه
بين المسافـات مـع رجـل ومماشيهـا
تبحث عن الدرب تتعـب ويـن تتوجـه
لاكثـرت اهـداف نفـسٍ زاد شانيـهـا
لا الوقت يرحـم والا الابـواب منهجـه
في لحظة الصمت بـوح النفـس خافيهـا
يضيع وجه المطـر مـن قـوة العجـه
وتبقى القصايـد مـع روعـة قوافيهـا
والعشـق الاول قصيـده تكـره اللجـه
لا مافقـدت الامـل لا ماقـدر الغيـهـا
اركض ولا اركض اخطوط الوقت معوجه
لو الامانـي فخـار وصعـب اداريهـا
الشـوق وان طـول المشـوار والهجـه
باقـي وباقـي مـع الغيمـه سواقيـهـا
تمطـر بهجـران والا للوصـل حجـه
ياكيـف نفـس تلـوابـك وتشقيـهـا؟
ياميـس القـد غرقـان الهـواء نـجـه
كـم مـرة رد نفسـه عـن حراويـهـا
يمـك ولا بـه طريـق ماسلـك فجـه
كل الجهـات انـت والا فانـت نافيهـا
وين الطريـق اللـذي ينسيـك ويسجـه
ضاعت ادروب الامـل ضيـع معانيهـا
دربٍ مشيتـه وذقتـه عـارفٍ زجــه
فـي غبـة الهـم كـم اقلـوب يرميهـا
والا فانـا موقفـي ثابـت ولا اوجــه
عـن يمتـك ماذخـرت درب ناويـهـا
يأأول الحـب واغـلاء العمـر والسجـه
قصيـدةٍ مـانـت باولـهـا وتاليـهـا
تصرخ من الغيض باعلى الصوت محتجه
محمد البدراني
|