بديت بسم اللي له الكون يخضع
من هيبته كل الخلايق خضوعي
اللي لوجهه تسجد الناس تركع
ويارب تقبل سجدتي مع ركوعي
ياربنا في رحمتك دوم نطمع
ويالله ترحم ضعفنا والدموعي
من خشيتك ياربنا العين تدمع
والقلب يرجف خوف بين الضلوعي
لاجاء نهارٍ فيه الاطفال رضع
يشيب راس الطفل ممايروعي
يومٍ عظيم وفيه كل شي يفزع
الشمس فوق الرؤس حرٍ وجوعي
والأدمي شكله من الخوف يفجع
عاري جسد في وسط ناسٍ جموعي
شاخص بصر ماعاد ينظر ويسمع
يرجي عطف مولاه ممايلوعي
ماغيرك الجبار نرجي ونخشع
ونخشى عذابك في نهارٍ فزوعي
ويالله عسى رحمتك تشمل وتجمع
امي وابوي وأسرتي مع ربوعي
وأختامها صلاة ربي وتسمع
على النبي اللي للأمه شفوعي