ياقلب لاتحترق بالشوق والودي
اصبر على زلة الغالي ليا صآرت
مدام لاشاف جوالك ولاردي
يمكن طيور الغلآ في حبنا طآرت
بحر المحبه يجيه الجزر والمدي
والا بحور الغلا من يمته غآرت
اصبر على البعد حافظلي على السدي
حتى تميز طلايعهم اليا سآرت
ترى المحبه تزود ايام وتهدي
مثل البراكين لاتصعبة ثآرت
طبع المولع لينه حب من جدي
يكتم جروحه ولو له دمعتن حآرت
ان ابعدوه الحواسد غصب وتحدي
محدن يلومه لون اعصابه انهآرت
انا على قد حبي خلك بقدي
لاتصدق الناس لون الرحى دآرت
دايم خيالك يجي للعين ويردي
افرح بصورتك ياقلبي ليا زآرت
الشآآآعر / عيد بآتع الثبيتي الخمعلي العنزي
