مشاركتي بعنوان
( سيف عنتر )
تحدثي يا دار عنتـر عـن السيـف
اللي من العبسي ورثـه الرشيـدي
واذا عجزتي عن سمـو التواصيـف
أنا بعد عجـزت قوافـي قصيـدي
أذهان حارت في سما الكم والكيف
وأستسلمت في مجد فجـر وليـدي
أقلام جفت في سطـور التعاريـف
وأسقيتها حبر من أقصـى وريـدي
يومن تاريـخ الرجـال المشاريـف
ما ينكره من كان عقلـه رشيـدي
تدللي يا بنـت زفـي الغطاريـف
تاريخ عبس اليوم حالـه فريـدي
أركى له رجال وغداء حاله مريـف
وأثمر وهو من قبل عيشه رغيـدي
بعض الشجر تنطر مطرها من الطيف
وتموت حيه 0 قبل يوم الوعيـدي
وأشجار عبس تغازل البرد والصيف
فيها ذراء اللي ما لقى له عضيـدي
قد قاله اليامي يوم أنه لفـى ظيـف
مجد الفخر بشت الفخر للرشيـدي
سفير يام اللي كسى شعره الريـف
كساه شالح بشت فخـر جديـدي
يام الحلام أهل الوغاء والصواديـف
عز لعانيهم علـى الضـد كيـدي
صبري على الفرقاء بحر والعناء سيف
في بعد ربعي صار وقتـي نكيـدي
أخوكم الشاعر / الحسن عبد الله القحطاني