[المميز]

العمر واحد...... وأنا باقضيه وياك
والناس واجد لكن أنت البخت فيك

وأنا انتشي وأفرح ليا اوحيت طرياك
سبحان منهو كامل الزين ..معطيك

الجاذبية.... والحلى.... من مزاياك
وسحر الأنوثة هي ترى خاتم ايديك

والقلب رحب بك وقال.... انت حياك
منزلك عالي وياعساني ارتبط فيك

دامي هويتك.. كيف انا بقدر انساك
ودامك معي خذ كل عمري ابعطيك

محلى دروس الحب.... في يوم لقياك
والواجب المفروض.... بالحال يأتيك

واجبك ....اني في ضميري ابرعاك
ومن الوفا والحب .......لازم ابديك

قلبي وعقلي ياضنى الروح يفداك
ماستكثر الدنيا.... ليا جات بيديك

غبتي ورحتي وانا ياقلب ......وياك
احساس قلبي معك.... دايم يخاويك

بالقد والخد الحمر..... زايد بهاك
حنان هالعالم..... سكن بين نهديك

محد يساوي أويضاهي ......حلاياك
شرواك حور العين ...ياروح مغليك

الموضوع الأصلي: العمر واحد.......وأنا اباقضيه ويااااااكـ | | الكاتب: المميز | | المصدر: شبكة بني عبس