حزين.. والعين مليانه مـن العبـره
لو مااتجمل بكيت وطحت من كبـري
صدر الشمالي يصير اضيق من الابره
لامرّه الشوق مع نفح الهوى عبـري
اغلى المسايير ماطوّل علـي صبـره
وانا على الجرح ياقـوّي وياصبـري
رااح وترك كل طعناته علـى خبـره
نسى سوات الفراق بعـودي المبـري
لكن سيفه يمـوون بضلمـه وجبـره
ماسال غير القصيد اللي نزف حبري
ياقووم يانافـرٍ شبريـن مـن شبـره
ومجدل الليل.. والارداف ... والكبري
وتفاحتينٍ علـى المزمـوم مزدبـره
لا متّ تكفين حطيهـم علـى قبـري