الاشرم
بحلال قوماً لهم بالمجد باعاًً طويل
يامرحبا في ظيوفاً حق مقدارهـا
الله يعينك على المشوار يابو جميل
كم طرقتن يتعب الطرقي بمشوارها
الزلامي
دام البقى ياعميلن ماش غيره عميـل
والعلم كانـن بقعـى ولعـت نارهـا
لو ان عبدالله الاشرم يحـط ويشيـل
اعرف بني عبس واعرف كل شعارها
الاشرم
يالله حسن الخواتم مابقى الا الرحيـل
والحفره اللي اتشيـب راس حفارهـا
مابه بشر يالزلامي غير يعرف اسهيل
ومن لايشوف الكواكب يسمع اذكارها
الزلامي
لو العرب مقلعه يكفيك منهـا القليـل
تجيك بكره كبار القـوم وصغارهـا
تراني امر بعض الدار عابـر سبيـل
ولو اني اضرب على الدنيا نطق فارها
الاشرم
يابو جميل انت تعرف بالكلام الجميل
وبعض السوالف رخيصه لعنبو عارها
هيل الحبش مايبيعه بايـع الزنجبيـل
ولا تبهر الشاذليـه غيـر ببهارهـا
الزلامي
ان كان ضاع الدليله وين نلقى الدليل
عيد النظر في هدفها واحفظ اعيارها
انته سعودي وتقدر تعمل المستحيل
لاكن الك جارتن ماريحت جارهـا
الاشرم
حنا جزيلين وندور كلاماً جزيـل
وانته لنا اتقدم الجزله وتختارهـا
راع القشر مايفكك منه حتى الكفيل
مير العرب دايم مايتفـق شارهـا
الزلامي
انا لاياقلتها خابـرك مانتـه ذليـل
لاكن غيرك بشر ماترفـع انظارهـا
لو تفزع امطير لو تفزع اسليم وهذيل
عجزوا يجيبون بنت ابليس وانصارها
الاشرم
اليوم حتى الكريم اثر عليه البخيـل
يرثع وياخذ يمين الدار ويسارهـا
هلحين ياقرب خشم الزند عند الفتيل
الله يخارج من الايام واخطارهـا