[السنــــافي]

ياليت الاخوان يسمحولي ولاااحد يشيل ردي لان الكل ينتظر اجابة ردي


اهلا وسهلا : ياعلي الدقباسي ابو سالم

علي الدقباسي والدي شارك في حرب التحريروخدمه بالجيش 30 سنه وجدي كان بالجيش الكويتي سنة 55 وفقد اثناء عمله وهو ابو والدي

ذهبنا الي رجالات القبيله بشأن التجنيس وغيره ولكن الرجال ماقصروا سعوا والله يبيض وجيهم

مرت السنين الي ان اتت سنة 2003 او 2002 وتجنس ربعي الي معاي وهم من ابناء قبيلة مطير الكريمه واغلبهم سعوديين وبعضهم مايملك الا ان جالس بالكويت 30 سنه

ونحن يالرشايده مايتجنس الا اربعه والشاهد علي ذلك دقعة التجنيس الي راحت

انا مااقول لا استغلوا مناصبكم وجنسوا كل واحد

انا اقول جنس المستحق اليس من شارك بحرب التحرير ومصر مستحق

قعد 9 شهور ببلامعاش والديره كانت رايحه


علي الدقباسي ابوي جاك ووااعدته ولااعلم ماحصل

وانا لو اجيك ماراح تسويلي شي ونحن من فخذ واحد وهو المهيمزي

كل ابناء الرشايده الي ابوه بحرب التحرير يقولون ليش مايساعدونا اعضاءنا ويفزعون معانا

كل القبايل تجنس ابناءها علي 60 و50 وحنا نجنس اربعه نرفع العقل

علي الدقباسي اتمنى واتمنى منكم مساعدة شياب الرشايده الي يقطنون الصليبيه والجهراء
باجر ينفشونه من الجيش وياخذ حقوقه لامعاش تقاعدي ولايحزنون بذمتك ياعلي هالشي يرضيك

شخص حمل السلاح ودافع عن ارض الكويت وبالاخير يعطونه حقوقه لامعاش تقاعدي ولا حتي يعترفون باانتماءه

اقسم بالله ان اموت في ارض الوطن الكويت ومااقدر علي فرقاها بس الزمن ياعلي دار علي والظاهر اني ابفارقها

ومنصدم والله اني منصدم شلون افارق ديره ولد فيها وتربيت فيها وربعي فيها

اتمنى من المشرفين مايمسحون ردي لان هالكلام طالع من قلبي واتمنى ان علي يقراه حتي يعرف هموم ابناء قبيلته

علي ابناء الرشايده الي شاركوا بحرب التحرير والله مايتعدون 60 او 70 الغير كويتين

فما بالك قبيله تجنس ابناءها علي 60 و80 في دفعة واحده وليس لهم وجود في التمثيل البرلماني

ونحن لنا 3 ويتجنس 4

اتمنى النظر في ابناء قبيلتكم الي ساكنين صليبيه والجهراء وتعرفون حجم معاناتها