وين أنت يااللي بالحشا دوم ساكن ؟
في وسط قلبي مامعك أي مخلوق
قلبي وروحي من غيابك تشاكن
والشوق يحرقني ليا هزني الشوق
حتى عيوني في غيابك تباكن
وإستكثرن دمعاتهن في داخل الموق
الليل بغيابك يجي حيل داكن
وين أنت يانور المخاليق ياذوق
ودي بشوفك يامنى الروح لكن
حالت ظروف تمنع الشوف ياشوق
حبك ترى مازال بالجوف ماكن
صعب يتغير يابعد كل مخلوق
من يوم ماغنى ابو نوره الأماكن
وأنا معك صاير من الشوق محروق!