[نايف بن شميلان]

يسعدني ان اشارك بهذه القصيده واتمنى تنال اعجابكم وهي بعنوان:

((اعذريني وعاتبيني))
============

اعذريني ياسحابه وعاتبـيـني بالكتاب***عــزتي عــزه لـنفوس الضعـيفه حابسه

ادري ان الناس تطلـع وترجـع للـتراب***حـفـرة(ن) جـلـداء كل اطـرافه يابسه

صدقيني ان عذابي لابـسه مثل لبسي للـثياب***فصله لي اغلى حبيب انظريني لابسه

صدقيني ماكتبته للفرح ولاكتبته للعتاب***الفـرح فيني تغرب والهموم لقلبي كابسه

صدقيني الفرح عني تغرب في زماني وغاب**جاهده حظي العاثرمداه الليال الظابسه

الردي لو مازحك واجبك تحسب له حساب***ما تمرشهورالا وهي بينك وبينه قابسه

والشجاع ان رافقك لاتخـاف ولا تهاب***لويشوف الموت دابسه دون وجهك دابسه

دقق النظره لاتكـون النظره لعينك خراب***ولاتكون النظره اللي تدلك عليها طابسه

مثل حلم(ن) لوتحقق يصبح لعلمك سراب***مايبل الريق عطشان قـــاع ارضه يابسه

عاتبيني في مشيبي وسامحيني بالشباب***قصتي قصه لنفوس الرديه حابسه

الشاعر/ نايف بن شميلان

الموضوع الأصلي: ((اعذريني وعاتبيني)) | | الكاتب: نايف بن شميلان | | المصدر: شبكة بني عبس