بسم الله الرحمن الرحيم
السلام عليكم ورحمة الله وبركاته
انا جايب لكم قصيده اليوم ودي انكم تفسرونها لي لان فيها مقاصد
وودي بعد تشوفونها من ناحية البحر وش بحرها
ياهاجسـي ثـور بيوتـك وارتقـص
وانضم قوافيها على حروف القصيص
ابغا الحروف الي تسلسل في المقص
اصقل بيوتك نص مابغاهـا نصيـص
الله ياشـوقـن بقلـبـي يحتـقـص
حقص معاليقه وبالحقصـه حريـص
نقص على الحالـه وذنهـا تنتقـص
قصقص على افكاري وخلاها قصيص
ياعاشقن يشكي وصـل خلـه نقـص
قيس مقايـس الوصـل ذنـه نقيـص
ناقص وصل والا الرجوله مانقـص
احصه من الشجعان ذاحل الحقيـص
احصى الشجاعه عند غمزات المقص
ذا سبرت ترقـص معانقهـا رقيـص
قص الاثر ذي بعد خلـه واتستقـص
ذن الاثر شخصن وراى خله يقيـص
صفق كفوفه ثم تحقـص واحتقـص
وادبر على متن الاثر كنـه قريـص
سبر يقص الي حصل وحـده يقـص
كنه خبل بالهـرج يخبصهـا خبيـص
حصـل محاصيلـه وذنـه بالنقـص
ذنها سبايب طيـر يقنصهـا قنيـص
وش حيلت الضامي على المر العقص
ذا حدته شمسه على الكاس العقيـص
يالله تعين القلـب ذي بهمـه رقـص
يقلص وراء سياج الصدر ماله قليص
كله سبب من الي بمعلاقـه حقـص
يحقص معاليقه وبالحقصـه حريـص