همسة فرح جالت براسـي تناديـه
تنحت على غصن الشجر منتهاهـا
من ذاكرة ايـام عمـري ولياليـه
عطر وزهر.. واسمه يرافق صداها
واشجان فاضت من حروفي تناجيه
ترجي الزمن يرجع لساعة لقاهـا
واكتب على صدري مقاطع اغانيه
واتم تم بكلمـات تجـذب هواهـا
واحلم بأني فـي رحيلـه مخاويـه
وان المشاعـر ساكنـات بقراهـا
وافيق من حلمٍ .. انـا ميـتٍ فيـه
وصفوف تستقبل عـزاي وعزاهـا
وارجع اجول بوسط راسي وامانيه
والقى حروفـي مالقـت مبتغاهـا
وكن المعانـي عاجـزه ماتلاقيـه
وكن القصايد جا جـراد وغزاهـا
وكني بلحظـات المـوادع اسليـه
وكني اشوف الماء جـف بوعاهـا
وكن المطر ماعد يمطر باراضيـه
وكن السحابة غادرت من سماهـا