عرض مشاركة مفردة
  رقم المشاركة : [ 13  ]
قديم 06-11-2009, 04:22 AM
عبدالله المظهور
شـــاعـــر
رقم العضوية : 1685
تاريخ التسجيل : 23 / 6 / 2007
عدد المشاركات : 414
قوة السمعة : 19

عبدالله المظهور بدأ يبرز
غير متواجد
 
الافتراضي

اقتباس من مشاركة محمد الراشد






مسائكم شعر
باختصار
رن جوالي صباح هذا اليوم
وكان المتصل هيئه ابوظبي(شاعر المليون)
وطلبوا مني الحضور هناك
وبدأت باعطاهم المعلومات لكي يتم ارسال التذاكر والتسيق للسكن هناك
ولازال التسيق جاري
ولكن....
تجري الرياح بما لاتشتهي السفن
حيث لايمكني الحضور هناك بسبب ضروف عملي
وخاصة انهم طلبوا مني الحضور خلال الساعات القادمه
ونظرا للاجازه الرسميه وانتهاء جولتهم يوم السبت بعد غد
هناك بصيص من الامل للسفر دعواتكم

عموما اتمنى لابناء القبيله التوفيق
وكتبت هذه الابيات


مشـكــور ياشـــاعر المــليــون
شـــاطيـــك بالــحيــل مغريــني
لــكن حــظـي معــي القانـون
مــــوقـــف"بــينــه وبــيـنــي
ودي أنـــي العـــب على المضــمون
ويـــاعبـــس مـــاعــاد يـمديـني
والمـــوعـــد اليـــا بـــغوا يلـفون
فــي عــــام اثـــنين وثلاثيـــــني
وان غــبت ربـــعي يــبي يــتسدون
وتــأهــل الــربــع يـــرضــينــي
والمـــعذره يــــالربــــع تكفـــون

مـــاعــاد يــــاعبــــس يمــدينـي




يامحمد .. الربع مايرضون = ولا ينفع العذر هالحيني
حاول .. لعل العمل يعطون = رخصه .. ولو بس يوميني
واحضر .. وشفهم متى يبدون = حسب النظم .. والقوانيني
وارجع .. وقل للعمل تكفون = محتاج .. اجازه لشهريني
ربعك بحاجة رجل مضمون = فارس .. يدك المياديني
واهم حاجه بعد يبغون = بيرق .. وخمسة ملاييني !!!

ياهلا يامحمد .. واتمنى لك التوفيق .. واذا حصل وقدرت فهذا خير وبركه
واذا لم يحصل فاأنت معذور .. وماقصرت .. وبيض الله وجهك
والوعد مثل ماقلت قداااااام اذا الله احيانا واحياك .

تقبل تحياتي وتقديري واحترامي


توقيع عبدالله المظهور
انا لي هجوس(ن) يصنع الملح والبارود=واليا قلت له ياهاجسي شب يشتبي
هجوس(ن) تحكم به نسايم هبوب النود=اليا هب نسناس الهواء هاجسي هبي
اداري ملك شعري عن النقد والمنقود=واطهر مضامينه عن الشتم والسبي
واحب القصيد الي يعبر عن المقصود=قصيد(ن) يشرفني واخاويه في دربي
قصيد(ن) يلازمني مدى عمري المحدود=واليا مت يبقى ذكريات(ن) تذكر بي !!!