الله يقدرنا على مايرضي جميع اعضاء هذا المنتدى وهذي مشاركتي
باسم الله ابدى قبل ماقافي ابديه** وعليه متوكل وبه مستعيني
رب الملا عالم بما اخفي وماابديه** وحده بما تخفي السرايرمبيني
ومن بعد ذكره زان للشعر داعيه** وحضرت فكري والقلم في يديني
وصخرت قاف بعذب الاحساس مسقيه** رتبتها باقات قدام عيني
قافن يشوق كل من يستمع فيه** من مطلعه يطرب له السامعيني
عن الردى والعيب والنقص ناقيه** من فيض وجدان الكلام الرزيني
لعيون عبس ولابتي عبس مهديه** بني رشيد مدلهين الحزيني
ولعين ملفي لادعانا نلبيه** بامره نقوم ولاطلب حاضريني
سلام ياحرن بعيده مراقيه** ياراعي المعروف في كل حيني
ياراع الكف الندي والمشاريه** طيبك يعد بصفحة الطيبيني
سلام ياشعارعبس وعوانيه** يالجنة التحكيم والحاضريني
الفوزمنكم ياهل العرف باغيه** تكفون حطوني مع الاوليني