السلام عليكم ورحمة الله وبركاته
اخواني اعضاء هذا الصرح الشامخ منتدىشبكة عبس أهدي أليكم هذه المحاوره الرائعه
والتي اعجبتني ارجو ان تنال على اعجابكم وهي بين الشاعرين شاعرنا الكبير
فلاح القرقاح القحطاني و الشاعر راضي غالي القعبوبي الرشيدي
راضـــي بــــن غــالــي
مرحبا مرحبا بضيوف بنـي رشيـد= عبس واللي عرف عبس يعرف عنتره
يابن ريفـه تقـدم فيـد ولا استفيـد =كل شاعر هواجيـس الشعـر تامـره
فــــــلاح الــقــرقـــاح
البقا يالمرحب جعـل عمـرك مديـد =وانت شاعر ولك عزوه ولك مقـدره
كل حفله نواجه وجه شاعـر جديـد= جعل بالامر خير وجعل فيـه اخيـره
راضـــي بــــن غــالــي
مشكلة راشـد الماجـد وعبدالمجيـد =طورت نـاس بالتطبيـل والجمهـره
انت بالساحل الشرقـي وعنـا بعيـد= بان وجه الحقيقـه ماعليـه اغبـره
فــــــلاح الــقــرقـــاح
كل واحـد بجهـده والكـلام الاكيـد= ساعة الصفر بطن السيف ولا اظهره
مايجيب الرسايل غير سـاع البريـد= ميـر عـد التذاكـر تذكـره تذكـره
راضـــي بــــن غــالــي
عنتر السيف عنتر وابا زيـد ابازيـد =اثر الاوضاع خارجت(ن) عن السيطره
مرة(ن) ثانيـه والله لاكـرر واعيـد= وانت موقفك بين الذنـب والمغفـره
فــــــلاح الــقــرقـــاح
وش يجيب الرياحي للزلامـي رشيـد= كل واحد سرى وحده علـى موتـره
كيف نرضيك ياراضي وراسك عنيـد= تشغل الناس بالفرجـار والمسطـره
راضـــي بــــن غــالــي
قالها ناصـر الشغـار وابـن حميـد =جعل ذيـل النمونـه تاليتهـم مـره
والله إنا بدو واهل ابل دايـم شديـد =مانعـرف اهـل المكيـاج والبـودره
فــــــلاح الــقــرقـــاح
المشايخ يجيبـون الحكـم والقصيـد =واحد(ن) منهم لحاله يضـد عشـره
يابدو يابدو حطو علـى القيـد قيـد =لايسـاق البعيـر شعيـل للمجـزره
راضــي بــن غـــالـــي
المشايخ يقولـون المجاهـد شهيـد= وانت منهـم ولكـن ماتحـل اكفـره