جيت لك من شان اطلب رضاك والود
وتشوف في عيني عظيم اشتياقي
ولك اعتذر عن غيـــــــبتي واتودد
وابرد ضميرن فيك زاد احتراقي
واثرك نسيت وعن ملاقاي مــبعد
ومقررن عــــقب المغـــيبه افراقي
ماودك بشوفي وعني تــصـــدد
بينت لي بغضك عقب ما انت شاقي
انكرتـني واقـفيت من غير مقصد
وانا وراك اتعـــبت بالــــدرب ساقي
وانته بدون اسباب عنــي تبعــد
مدري وش اللي بعد ماغبت لا قي
بالله قــــلي كيف ياناعم الخـــد
تعلن بعـــــادك عقب طاب التلا قي
هو كيف تنسى قلب مادش به حد
غيرك ولا لغيرك من الخلق راقي
مااحدن سواك احتل فالقلب مقعد
لك فج بابه ولك فج الطيــــــاقي
داخل عروق القلب تصحى وترقد
والفكر بك سكران مامنك فاقـــــي
اليوم في حبي تــنـكر وتجحــــد
سويت بي شين مانــــي فيه هــا قي
بيحت مابين العرب خافي السد
وطاوعت نـــقـال الحكي والنــــــفاقي
وتقول حذرى عن علومي تنشد
حبك بقـــلبك مات مالـــــــــــه بواقي
دامه على يمناك عقب انبنا هد
خلاص بــــترك جلـــها والدقاقــــــي