[وحيد]

الخطا لاجاك من شخصٍ عزيز
O.o°" كن كل الناس مخطينٍ عليك

خل بين دلالك ويديك بيز
O.o°" لا تخلي نارها تحرق يديك

اربط لسان الخطا بحبل وقفيز
O.o°" لاتجفّل بالخطا ناسٍ تبيك

الغلا في البرد للتمر الكنيز
O.o°" لا يغرك بالرطب من يشتريك

والقدر لو رحت في حصنٍ حريز
O.o°" والله انه ياخويي فيك فيك

العذر عقب الخطا لو هو وجيز
O.o°" يجبر قلوبٍ تبيك وتهتويك

كنت اعرفك تفحص الراي وتميْز
O.o°" بس وش له هالخطا الله يهديك

وانت يالمخطي ولو بتلت شيز
O.o°" لك عليّ أجحد عذاريبك واجيك

انت لك جيزٍ وانا لي اليوم جيز
O.o°" والعذر يا صاحبي منك واليك

واعتبر هالزوبعة هرج انجليز
O.o°" كلمة قيلت ولا ادري ويش ذيك

والخطا لاجاك من شخصٍ عزيز
O.o°" كن كل الخلق مخطينٍ عليك

الموضوع الأصلي: الخطاء لاجاك من شخص عزيز | | الكاتب: وحيد | | المصدر: شبكة بني عبس