يارفيع الشان عندي مرتفع قدرك وشانك
والغياب إلي تشوفه مايجيب إلا الغنايم
جيت لك بأبيات شعر نورها يضوي زمانك
تعتذر عن هالغياب وتبني بيوت هدايم
الزمان إلي خذاني عنك ماغير مكانك
والغلا لك دوم أشمه ريح ورد في نسايم
مايخونك من يعزك لو زمان الظلم خانك
صاحبك شاف المعزة منك ماشاف الظلايم
مايهون الماضي إلي زين ايامي وزانك
ولا تهون العشرة إلي ساسها صدق ونعايم
تذكر شـ كنا نردد من لساني ومن لسانك
القوافل لامشت خلفها تبح بهايم
ثابتين في قيمنا مرتفع شاني وشانك
والمروه في دمانا ماتلحقها خرايم
وآخر المقصود قصدي عيش يومك في زمانك
والخوي إن غاب عنك مايجيب إلا الغنايم